Martien Verstraaten tin documentá na unda por haña DNA di Natalee Holloway

 

boletin eXtra.com
noticia directo

Martien Verstraaten tin documenta na unda pa haya DNA di Natalee Holloway
y sa precies kico a pasa

 

 

Curaçao, 23 September 2011

Segun Martien Verstraaten ku nunka a bai Aruba… E tin dokumentá na unda por haña DNA di Natalee Holloway… Willemstad – ‘Esaki ta un asuntu ku hustisia i Ministerio Públiko mester averiguá. Loke mi tin ta un dokumentashon di datonan paranormal ku mi a haña i mi tin e disponibel pa sigui investig’é’.

Esei ta loke Martien Verstraaten paragnostiko i periodista mediamistiko a bisa durante di un enkuentro ku e tabatin djaweps anochi den Biblioteka Nashonal di Kòrsou.

Verstraaten den e presentashon a duna un relato amplio di kon bin e sa na unda tin DNA di e mucha muhé merikano ku a pèrdè na Aruba algun aña pasá, Natalee Holloway. El a splika ku e tin un relato detayá pa hustisia averiguá pero pa e okashon aki el a kambia algun dato pa despues no ta e a stroba e investigashon. E.o el a mustra ku te den detaye e sa eksaktamente na unda e material di DNA aki ta i ku esun envolví na e momentu aki na Aruba, ku ta un persona maskulino.

Segun Verstraaten Natalee Holloway tabata na bida ora ku a tir’é un kaminda i ta ei el a muri.
Pa e, e informashon tei, e no por splika kon bin datonan asina ta aparentá na e i ta keda na esnan konserní kiko nan ta hasi ku e informashon. E ta dispuesto pa entregá e relato kompleto ofisial ku tur detaye, na Ministerio Públiko.
Tabatin bastante pregunta di esnan presente i e.o. te asta el a duna algun demostrashon di su abilidatnan paragnostiko i paranormal, pa kua den sala tabatin bastante boluntario.

Riba e potrètnan por mira e.o. Martien Verstraaten i su dos asistentenan Angel Salsbach i Ramon Penzo durante di e enkuentro den Biblioteka Públiko Nashonal.